从小和刘德华黄秋生演戏的TVB童星，如今长大愿意露肉演出？_娱乐时尚星座

7SevEn6p

ZxID：34760373

等级: 贵宾

配偶: 安妮玛之歌

举报只看楼主使用道具楼主发表于: 2017-10-06 0

讲起「Jacky仔」呢嗰名，相信你脑海会谂起佢拥有一副劲得意圆碌碌嘅样子，其实佢今年已经成年啦。

Jacky仔近日出席活动时，少了当年趣致模样，换来的是乖仔斯文look出现。读紧城市大学媒体与传播系嘅佢，依然好热爱演戏，虽然近年传媒寒冬，但Jacky仔嗰团火依然无熄，「希望毕业之后可以从事返传媒行业，我真系好有兴趣！」听完都觉得好有heart！

2003年当年只有4岁嘅Jacky仔就参加了由港台举办嘅节目《点虫虫开开心心学飞》而入行，「嗰阵哥哥系主持仔之一，当年制作组就去我地屋企做访问，见到我都几得意，所以就开始拍下港台同教育电视嘅节目。」

适逢当年沙士袭港，佢就与黄秋生合作拍摄《1: 99 抗炎短片 - 我的飞行家族》而开始为人熟悉，「拍摄完短片后，嗰阵负责拍短片嘅导演张坚庭先生就叫我家人不如试下寄信去TVB俾我做童星，好快TVB就有回覆，开始拍剧。」

Jacky仔指TVB都好好，好肯迁就佢返学时间，「嗰阵我读上午校，一放学就去拍，都无乜冲突。同埋佢地都唔会俾一啲好难嘅角色我做，都几开心。」

提到拍过咁多套剧集，边位演员令佢最深刻印象？Jacky仔谂咗一阵就答，「系欧阳震华，2007年同佢拍《爸爸闭翳》，做佢个仔。真系隔一两日就见一次，佢成日都同我玩，有时又会教下我。

另外仲有刘德华，当年拍《童梦奇缘》我做佢年轻版嘅弟弟，虽然同佢无戏份，但佢都有嚟探我地，又会关心我读书呀，又会同我玩。」小时候可以同咁多巨星合作，真系唔系每位童星都会有嘅经历。

2009年，Jacky仔因为准备升中学开始淡出幕前，突然之间无咗童星嘅光环，会否有点失落？他就话，「我觉得心态要转变嘅，始终童星长大后就会比较少啲机会拍摄，咁我都觉得学业要紧，始终唔可以忽略。咁而家入咗大学，有机会同时间咪接返，其实做童星对我嚟讲系一个几有趣嘅经验。」

Jacky仔表示身边有好多同学都知自己就系当年嘅「Jacky仔」，仲话同学有时都会同佢开玩笑，「因为上年新闻都有报道过，咁咪知道我系读传理，其实佢地都系睇住我大。佢地而家有时系地铁站都会见到我细嗰拍嘅广告照，都会同我开玩笑话：『嗰个系咪你呀？』我会话系呀，张相系小时候拍嘅，都无乜话好特别，都系当我普通同学。」